Dä Schuster

Enn Cru-embreg, gow’ett enn aulen Tieden en Schuster.
Sing Werkstatt wo-ar an sinn Wohnhüsken aangebout.
Dodrennen soht’e nu jeden Werkdach, dänn dä HERRGOTT ku-emen li-et,
on dätt sing Arbed. On die mackden he werklech gu-ed,
on su hatt’e emmer gu-ed te donn on sinn gu-ed Uutku-emen.

Su-emerdags, wenn ett druuten nett warm wo-ar,
ri-ehte sämtleche Fenster von sinner Werkstatt open.
Domett sohte dann u-ech enn bettschen an därr freschen Louht.

Die Blagen uut’m Hoff hatten datt grasch spetzgekrägen,
on kohmen enn Scharen, öm te kieken, watt dä Mi-ester do wall all mackden.
Dämm Aulen wo-ar datt nur reiht – sulang die Blagen ähr Mu-el hi-elen.
Äwwer – wie Blagen su sind, se ki-eken nitt nur,
sondern se frohden ämm dobie u-ech noch baul enn Look enn dänn Buck.
Su lang, bess ett dämm Aulen te bri-et wu-ed.
Do seiht’e förr die Blagen: „Wekker hie tu-ekieken well,
därr mott die Tong eruut donn. Also – alle Mann – Tong eruut.“

Do stongen se dann, die Blagen.
Mett ru-eden Bäckskern, löühtenden U-egen –
allbeni-en de Tong eruut.

Dä Aul hatt sinnen Spaß dobie, Blagen ömm sech, on ku-en sing Arbed enn Rouh donn.